اليوم : Mechatroniker*in & ميكانترونيك 
بزاف ناس و خصوصا دراري قالو ليا هدر على هاد #الضومين ديال الميكانيك.. و لي حتى لبنات يقدرو يديروه..
صراحة هاد التكوين من المجالات لي عندها اهمية كبيرة و مستقبل كبير خصوصا فدولة صناعية كألمانيا لي كاتعتابر من اكثر الدول صناعة للسيارات و حتى كل ما عندو علاقة بوسائل نقل عامة 
كيتعتابر من اهم التخصصات في مجال الهندسة الحديثة و المتطورة حيث كايجمع ما بين كل ماهو #ميكانيكي#إلكتروني و #كهربائي و فهاد الأوسبيلدونغ كتعلم البرمجة و التحكم فالأنظمة الذكية فمجالات مختلفة..
كايبقا Mechatronik من المجالات لي ديما عندها مستقبل و ديما كيزيد الواحد يطور فيها راسو اكثر و اكثر.. هاد #الأوسبيلدونغ راه فيه عدة انواع و منها :
Kfz-Mechatroniker (ميكانيك سيارات)
Mechatroniker für Gastechnik (ميكانيك تكنولجيا الغاز)
Mechatroniker für Kraftwerkstechnik (ميكانيك تكنولوجيا محطات الطاقة ) - شحال المدة ديال هاد #الأوسبيلدونغ ؟
غالبا 3 سنوات و بعض المرات 3,5
- اشنو هوما الشروط باش ندفع لهاد #الأوسبيلدونغ ؟
بالنسبة للسن الحاجة الزوينة و هي مامحددش و كيبدا من 18 سنة للفوق..
نيڤو باك ( بعض المرات كيقبلو حتى ناس لي قراو غير حتى التاسعة)
اللغة الألمانية B1 فما فوق و يفضل B2 باش الواحد يكون كيفهم فالمدرسة
كيكون عندك امتياز الى كانو عندك نقط مزيانة فالفيزيك و الماط و شي شهادة ديال البرمجة
- اشنو المواد لي كيقرا الواحد فهاد #الأوسبيلدونغ ؟
* الكهرباء و الإليكترونيك Elektrizität und Elektronik
* الرياضيات Mathe
* الفيزياء Physik
* الألمانية Deutsch
* إدارة الجودة Qualitätsmanagement
* الحماية Sicherheit
- فين يقدر يخدم الواحد فاش يسالي #الأوسبيلدونغ ؟
المعامل الصناعية الكبرى : مصانع لي عندهم ماكينات كبرى ديال الإنتاج و كتخدم باش تصايب و طور اللآلات الميكانيكية و الإلكترونية
معامل الصناعة الطبية : يعني كيخدم الواحد على صيانة و تطوير الأجهزة الطبية الكبرى
مجال الطيران : معالجة الأنظمة الإلكترونية و الميكانيكية ديال الطائرات و المركبات
الطاقة والبيئة : تحسين و صيانة انظمة الطاقة
التكنولوجيا الذكية : كتخدم مثلا فشركات التكنولوجيا و الإبتكار و كتساهم فتطوير الأنظمة الذكيةخلاصة : تقدر تخدم فاي بلاصة عندها علاقة بالميكاترونيك و فاي قطاع ديال التكنولوجيا و الطاقة.. داكشي علاش هاد المجال فيه انواع متعددة فين يقدر يخدم الواحد.. - شحال الصالير ف #الأوسبيلدونغ و موراه فاش نبدا الخدمة لاس نساليه ؟
* السنة الأولى : تقريبا 1050€
* السنة الثانية : تقريبا 1150€
* السنة الثالثة : تقريبا 1250€
انا بالنسبة الصالير فاش كاتسالي #الأوسبيلدونغ و كتبدا الخدمة فكيكون تقريبا بين 3000€ و 3900€ و كيتزاد الصالير بطبيعة الحال مع الخبرة و التجربة لي كتولي عندك..
خلاصة : علاش انا شخصيا كيجيني هاد #الأوسبيلدونغ مزيان و مهم.. حيث هذا واحد من المجالات لي عندها مستقبل كبير فألمانيا 
حيث كتزيد تتطور التيكنولوجيا و ماعمر هاد شي كيوقف.. عاد زيد انك تقدر دير شي حاجة ديال راسك و اولي Selbstständig و دير شركة ديالك مع الوقت.. و راه هاد المهنة فيها لفلوس ديال بصح و سولو نتس لي عندهم شركات فألمانيا و منهم اجانب بزاف.. كل ماهو ميكانيكي ف هو مربح.
الله يكمل عليكم بالخير.. و يسهل على الجميع ان شاء الله