مجال اليوم هو :
Digitalisierungmanagement ==> الادارة الرقمية
و ملاحظة : هاد المجال راه تقريبا بحال مجال IT-System-
Management ==> ادارة أنظمة تكنولوجيا المعلوماتهاذ المجال حتى هو مجال زوين للبنات و دراري.. و حتى البنات لي دارين #الحجاب 
يقدرو يدفعو ليه و لكن ماشي جميع الشركات كيقبلوهم.. هاد #الأوسبيلدونغ كيأهل الواحد باش يخدم فقطاع تكنولوجيا و المعلومات الرقميةو تطبيقات الحاسوب و التسويق.. و هادو بعض المهام لي فهاد المجال : إدارة الأنظمة والشبكات وضمان سلامتها وأمنها، ضمان البيانات و حمايتها من الإختراق و الفقدان، تطوير البرمجيات والتطبيقات المخصصة لاحتياجات الشركة لي كتخدم فيها، تحليل البيانات المتعلقة بأنظمة المعلومات في الشركة و كيدار تقارير عليها، المشاركة في إدارة مشاريع تكنولوجيا المعلومات من تخطيط وتنفيذ ومتابعة وتقييم…
- شحال المدة ديال هاد #الأوسبيلدونغ ؟
غالبا 3 سنوات و خصوصا للناس لي معندهاش تجربة كافية فهاد المجال.. اما لاكنتي خدمتي فيه بزاف فالمغرب.. فاش تجي و شوفوك مزيان.. راه تقدر تقلص المدة لسنتين او اقل
- اشنو نوما الشروط باش نقدر ندير هاد #الأوسبيلدونغ ؟
خاص يكون عندو مستوى فاللغة الألمانية مزيان يعني اقل حاجة B2 فما فوق حيث هاد المجال فيه التواصل بزاف و خاص الواحد يكون يعدر بطلاقة
اللغة الإنجليزية تكون شوية مزيانة (ماشي ضروري تكون فيها مزيان بزاف و لكن شوية اساسيات)
الباك ضروري (وقليل بزاف فين كيقبلو بلا باك) يعني ماشي مستحيل و لكن قليل.. مثلا واحد ماعندوش الباك و لكن عندو خبرة كبيرة فالمجال فراه يقدرو يقبلوه.
- اشنو المواد لي كيقرا الواحد فهاد #الأوسبيلدونغ ؟
* الأساسيات في تقنية المعلومات (Grundlagen der Informationstechnik)
* نظم المعلومات وإدارة قواعد البيانات (Informationssysteme und Datenbankmanagement)* البرمجة وتطوير البرمجيات (Programmierung und Softwareentwicklung)
* تقنيات شبكات الحاسوب (Computernetzwerktechnik)
* إدارة الأنظمة و السيرڤورات (System- und Serveradministration)
* أمن المعلومات وحماية البيانات (Informationssicherheit und Datenschutz)
* تطبيقات الأعمال وإدارة المشاريع (Business-Anwendungen und Projektmanagement)
* تحليل الأعمال واستخدام البيانات (Business-Analyse und Datenmanagement)
* الاتصالات وتكنولوجيا المعلومات (Kommunikation und IT-Technologie)
* التسويق والمبيعات في مجال تقنية المعلومات (Marketing und Vertrieb in der IT-Branche)
* القانون والقوانين المتعلقة بتقنية المعلومات (Recht und Gesetze in der Informationstechnologie)
* مهارات الاتصال والتواصل (Kommunikations- und Gesprächsführungstechniken
- شحال الصالير لي كيعطيو فهاد #الأوسبيلدونغ ؟
السنة الأولى : تقريبا 1150€
السنة الثانية : تقريبا 1300€
السنة الثالثة : تقريبا 1400€
- فين نقد نخدم فاش نسالي #الأوسبيلدونغ و شحال الصالير ديال هاد الخدمة ؟
الشركات الصناعية والتجاريةو كتخدم معاهم في أقسام تكنولوجيا المعلومات للشركات في مختلف الصناعات والقطاعات
البنوك والمؤسسات المالية و كتخدم معاهم فأقسام تكنولوجيا المعلومات التابعة للبنك و الأنظمة المالية والبرمجيات ديالها.
الشركات الاستشارية: يمكنهم العمل كمستشارين مستقلين أو في شركات استشارية توفر خدمات في مجال تكنولوجيا المعلومات للشركات الأخرى
الشركات الاستشارية كيمكن لك العملفي توفير خدمات في مجال تكنولوجيا المعلومات للشركات الأخرى.
الجهات الحكومية تقدر تخدم معاهم في أقسام تكنولوجيا المعلومات والأنظمة المعلوماتية التابعة للمؤسسات الحكومية.
مع الوقت تقدر دير شي شركة خاصة ديالك و نتا تولي تخدم للراسك مع شركات لي غادي وليو يعطيوك Aufträge و نتا تخدمهم ليهم.. و مع الوقت كتكبر الشركة ديالك..
بالنسبة #للصالير ملي متولي خدام فا يختلف على حساب فين خدام.. و لكن تقريبا فاش يلاه كتبدا الهدمة كيكون بين 2700€ و 3500€ و من بعد سنوات ديال الخدمة و كيولي عندك Berufserfahrung راه كيطلع الصالير و كيولي يوصل حتى 4500€. و تقدر ديما تزيد دير Weiterbildung لي كتزيد تخليك طور راسك اكثر و اكثر.
خلاصة : هاد المجال من المجالات المطلوبة فالعالم كامل.. و كيبقى حتى هو مجال زوين و خصوصا بالنسبة للناس لي عزيز عليهم اي حاجة متعلقة بالتكنولوجيا الرقمية.. لي عندو خبرة فالمجال فما عليه غير يقرا اللغة الألمانية مزيان و يزيد عليها شوية الإنجليزية و يتوكل على الله و يدفع..
الله يكمل عليكم بالخير و يسهل على الجميع 
